Google Photos қолданушыларына өздерін мем жасау мүмкіндігі пайда болды

Google Photos қосымшасы жаңа функциясын жариялады. Енді пайдаланушылар өз фотосуреттерін мем форматында өңдей алады. Бұл мүмкіндік «Me Meme» деп аталады және жасанды интеллект технологиясы негізінде жұмыс істейді.

Жаңа функция алғаш рет АҚШ-тағы қолданушыларға қолжетімді болып отыр. Оның көмегімен қолданушылар фотосуреттер шаблоны мен өз суреттерін біріктіріп, мем суреттер құра алады.

Google-дің хабарлауынша, бұл эксперименттік мүмкіндік болғандықтан жасалған суреттер бастапқы фотоға толықтай ұқсамауы мүмкін. Үздік нәтижеге жету үшін жарықтың жеткілікті болуы және фотосуреттің беткей қарағаны маңызды.

«Me Meme» функциясын пайдалану үшін қолданушы алдын ала ұсынылған шаблонды таңдап, өз фотосын қосардан кейін «Generate» батырмасын басады. Google уақыт өте келе шаблондар санын арттырып отырады. Қолданушы жасалған мемді сақтай алады, басқа платформаларда бөлісе алады немесе қайта жасауға тапсыра алады.

Бұл функция Google Photos қосымшасындағы басқа жасанды интеллект құралдарын толықтыру үшін енгізілген және қолданушыларға өз фотоларымен қызықты тәжірибе жасауға мүмкіндік береді. Қазіргі уақытта жаңа функция iOS және Android қолданушыларына кезең-кезеңімен таралып жатыр.

Дереккөз: TechCrunch